Ceren Karakoç «Kızılcık Şerbeti» serialiga Nursema roli bilan qaytmoqda

O'tgan mavsumda «Kızılcık Şerbeti» serialini tark etgan Ceren Karakoç loyihaga qaytadi va 5-mavsumda yana Nursema obrazida ekranga chiqadi.

Habertürk nashri xabar berishicha, SHOW TV telekanalining mashhur seriali «Kızılcık Şerbeti» muxlislarini katta syurpriz kutmoqda. O'tgan mavsumda loyiha bilan xayrlashgan aktrisa Ceren Karakoç serialga qaytishga qaror qildi. U hozir efirda davom etayotgan 5-mavsumda yana Nursema rolini ijro etadi.

Hozircha Nursema voqealar rivojiga qaysi sahna orqali qaytishi oshkor qilinmagan. Aynan shu savol tomoshabinlar orasida katta qiziqish uyg'otmoqda. Yangilik e'lon qilingach, Nursema ismi X ijtimoiy tarmog'ida eng ko'p muhokama qilingan mavzular qatoridan joy oldi.

Serial haqida

«Kızılcık Şerbeti» Gold Film kompaniyasi tomonidan suratga olinmoqda, prodyuseri Faruk Turgut. Serial SHOW TV efirida namoyish etiladi va Turkiyada eng ko'p tomosha qilinadigan loyihalardan biri hisoblanadi. 5-mavsum ham tomoshabinlar e'tiborini tortishda davom etmoqda.

Manba: Habertürk