Ha Jung Woo va Cha Jung Won turmush qurishlarini e'lon qilishdi

Koreyalik aktyorlar Ha Jung Woo va Cha Jung Won shu yilning o'zida turmush qurishadi. To'y marosimi 13-dekabr kuni Seuldagi mehmonxonalardan birida bo'lib o'tadi.

Soompi xabar berishicha, 14-oktyabr kuni Ha Jung Woo vakolat beruvchi Walkhouse Company agentligi aktyorning to'yi haqida rasman e'lon qildi. Agentlik bildirishicha, to'y marosimi 13-dekabr kuni Seuldagi mehmonxonalardan birida o'tkaziladi. Marosim yopiq tarzda, tor doirada tashkil etiladi.

1978-yilda tug'ilgan Ha Jung Woo va 1989-yilda tug'ilgan Cha Jung Won taxminan 2020-yildan beri uchrashib yurgan. Ular o'z munosabatlarini shu yil boshida tan olgan edi.

Juftlikning turmush qurishi haqidagi mish-mishlar ilgari ham tarqalgan edi. Biroq o'shanda har ikki tomon bu ma'lumot hali tasdiqlanmaganini bildirgan.

Manba: Soompi