«The Love Hypothesis» Prime Video chartlarida 1-o'ringa chiqdi

Prime Video'ning yangi romantik komediyasi «The Love Hypothesis» AQShda platformaning eng ko'p ko'rilgan filmiga aylandi. Film «Now You See Me: Now You Don't» uchinchi qismidan ham o'zib ketdi.

Collider xabar berishicha, film 23-sentyabr kuni Prime Video'da chiqqan. Bosh rollarni Tom Bateman («Based on a True Story») va Lili Reinhart («Riverdale») ijro etgan. Film Ali Hazelwood'ning New York Times bestsellerlari ro'yxatiga kirgan romani asosida suratga olingan.

Film nega aynan shuncha qiziqish uyg'otgani ham ma'lum: roman dastlab «Star Wars» qahramonlari Rey va Kylo Ren uchun yozilgan fan-fikshn sifatida paydo bo'lgan. Muxlislar bu juftlikni «Reylo» deb atashadi. Bundan tashqari, bosh rol ijrochisi Bateman «Star Wars» yulduzi Daisy Ridley'ning hayotdagi sherigi ekani ham e'tiborni tortgan.

Davomi ham tayyor

Hazelwood romanining to'g'ridan-to'g'ri davomi — «The Two-Body Problem» 2027-yil 2-fevralda sotuvga chiqadi. Kitobda Adam va Olive yana bosh qahramonlar bo'lib qaytadi. Xabarlarga ko'ra, bu kitob asosida film ham ishlanmoqda.

Muallif davom haqida shunday degan: «The Two-Body Problem» bir necha yilni qamrab oladi. Unda kundalik hayot lavhalari, postdoktorantura davridagi tashvishlar va uzoq muddatli munosabatlardagi eng og'ir sinov — kechki ovqatga nima tayyorlashni hal qilish ochiq tasvirlangan.

Manba: Collider