Kim Hee Sun va Go Soo 23 yildan so'ng yangi doramada qayta uchrashishi mumkin

Kim Hee Sun va Go Soo MBC telekanalining yangi «The Wife» doramasida bosh rollarni o'ynash bo'yicha muzokaralar olib bormoqda. Ular so'nggi marta 23 yil oldin birga ishlagan edi.

Haqida 20-oktyabr kuni bir axborot vositasi xabar berdi. Kim Hee Sun agentligi Hinge Entertainment'ning aytishicha, aktrisa taklifni ijobiy ko'rib chiqmoqda. Go Soo agentligidan esa hozircha javob kelmagan.

Dorama nima haqida

«The Wife» (so'zma-so'z nomi) bir ayolni o'rab olgan ehtiros va muhabbatning qo'pol yuzini ko'rsatadi. Qahramon sirini o'lim evaziga bo'lsa ham saqlab qolmoqchi bo'lib, battar do'zax tubiga sho'ng'iydi. Loyiha uning fojiali taqdiri va kafforatini tasvirlaydi.

Kim Hee Sun'ga Eun Ip Sae roli taklif qilingan. Bu qahramon oliy o'quv yurtiga kirish imtihoni CSAT'dan to'liq ball to'plab, Seul milliy universitetiga eng yaxshi talaba sifatida kirgani bilan maqtanadi. Biroq hamma havas qiladigan o'tmishi ortida sir yashiringan: qahramon shu sirni himoya qilish uchun ilgari ko'z yumib kelgan haqiqatlar bilan yuzma-yuz kelganda azob chekadi.

Yana juft bo'lib o'ynashadi

Ikkala aktyor ham taklifni qabul qilsa, ular doramada er-xotinni o'ynaydi. Kim Hee Sun va Go Soo oxirgi marta 2003-yilda yakunlangan SBS telekanalining «My Fair Lady» serialida birga ishlagan edi.

Manba: Soompi