Sandra Hüller «Avengers: Doomsday»da kamo roli o'ynashi tasdiqlandi

Oskarga nomzod nemis aktrisasi Sandra Hüller Marvelning «Avengers: Doomsday» filmida kamo rolida suratga tushgani aniqlandi. Rolning mazmuni hozircha sir saqlanmoqda.

Aktrisaning roli sir tutilmoqda, uni kamo deb ta'riflashmoqda. Muxlislar Hüller doktor Dumning onasini yoki Latveriya jodugarlaridan birini o'ynashi mumkin, deb taxmin qilmoqda. Marvel bu yilgi San-Diego Comic-Con'da Latveriya jodugarlariga xos rang-barang liboslarni namoyish etgan edi.

Film haqida

Syujetning aksar tafsilotlari yashirin. Ma'lumki, film turli vaqt chiziqlaridan kelgan qahramonlarning birlashib, olamni yo'q qilish xavfini tug'dirayotgan sehrgar-olim doktor Dumga qarshi kurashishini ko'rsatadi. Doktor Dum rolini Robert Downey Jr. ijro etadi, Chris Evans esa Stiv Rojers qiyofasida qaytadi. Filmda «Thunderbolts*», «Fantastic Four: First Steps», «Black Panther: Wakanda Forever», «Thor» filmlari va klassik «X-Men» seriyasi aktyorlari ham ishtirok etadi.

Filmni rejissyorlar Anthony va Joe Russo suratga olgan. Hozir u post-prodakshn bosqichida, premyera 2026-yil 18-dekabrga rejalashtirilgan.

Hüllerning 2026-yildagi ishlari

Hüller «Anatomy of a Fall» va «The Zone of Interest» filmlaridagi bosh rollari bilan Gollivudning e'tiborini tortgan. 2024-yilda «Anatomy of a Fall» uchun eng yaxshi aktrisa nominatsiyasida birinchi Oskar nomzodligini oldi. Joriy yilda aktrisa «Project Hail Mary»da Ryan Gosling'ni sayyorani qutqarishga jalb qiluvchi qahramonni o'ynadi, «Digger»da Tom Cruise'ning singlisi rolida ko'rindi. Variety'ga ko'ra, Marvel kamosi uning shu yildagi beshinchi yirik filmi bo'ladi — ro'yxatda «Rose» va «Fatherland» ham bor.

Manba: The Hollywood Reporter, Variety