Son Suk Ku va Park Bo Young «Kiss For Tomorrow» filmida birga o'ynaydi

Janubiy Koreyada «Kiss For Tomorrow» romantik komediyasi suratga olina boshladi. Bosh rollarni Son Suk Ku va Park Bo Young ijro etishi 2-noyabr kuni rasman tasdiqlandi.

Film investori xabariga ko'ra, suratga olish ishlari 31-oktyabrda boshlangan. Rejissyorlik qilayotgan Kang Hyung Chul — «Scandal Makers», «Sunny», «Tazza: The Hidden Card», «Swing Kids» va «Hi-5» filmlari bilan tanilgan.

Film syujeti

«Kiss For Tomorrow» — fantastik romantik komediya. U har kuni birgalikda o'pishmasa, ertangi kunga chiday olmaydigan sirli juftlik haqida hikoya qiladi. Kruiz sayohati chog'ida ular kutilmaganda bir-biridan ajralib qoladi va hayotlaridagi eng orziqib kutilgan o'pishni izlashga tushadi.

Qahramonlar

Son Suk Ku xotinini juda yaxshi ko'radigan, birinchi ko'rishdayoq oshiq bo'lgan Ji Kyung rolini ijro etadi. Xotinidan ajralib qolgan qahramon notanish joyda yolg'iz qoladi va uning yoniga qaytish yo'lini topishga urinadi — bu holatda uning qo'pol, ammo yoqimli tomoni ochiladi. Park Bo Young esa Oh Sung rolida: u kema bortida yolg'iz qolgan, quvnoq va shijoatli ayol bo'lib, eri bilan qayta uchrashish uchun qo'lidan kelgan hamma narsani qiladi.

Suratga olish joylari

Film Janubiy Koreyaning turli joylarida, shuningdek xorijda — Singapur va Tailandda suratga olinadi. Ulkan kruiz kemasi va ekzotik manzaralar fonida yaratilayotgan film rang-barang tasvirlar va jonli ritmdagi hikoyani va'da qiladi.

Suratga olish boshlanishi munosabati bilan rejissyor Kang Hyung Chul shunday dedi: «Vaqt o'tgani sayin har bir [suratga olgan] filmim menga tobora qadrliroq tuyuladi. Bugun boshlangan ish tajribasini qadrlayman va tomoshabinlarga yoqimli, zavqli kayfiyat hadya etish uchun barcha kuchimni sarflayman».

Manba: Soompi