«Evlat» seriali boshlanmasdan kanal va rejissyorini almashtirdi

Hazal Subaşı va Birkan Sokullu bosh rollarda o'ynaydigan turk seriali «Evlat» hali suratga olish maydoniga chiqmasdan kanalini ham, rejissyorini ham o'zgartirdi.

Sözcü xabar berishicha, loyiha dastlab Star TV ekranlarida namoyish etilishi rejalashtirilgan edi. Keyinchalik serial atv kanaliga o'tkazildi.

Kamera ortida ham o'zgarish yuz berdi: rejissyor Neslihan Yeşilyurt loyihani tark etgani ma'lum bo'ldi. Uning o'rniga M. Çağatay Tosun bilan kelishuvga erishildi. Shunday qilib, «Evlat» hali ekranga chiqmasdan rejissyorni almashtirishga ulgurdi.

Aktyorlardan to'lovni kamaytirish so'raldi

Voqealar bu bilan cheklanmadi. Ishlab chiqarish guruhi avval kelishuvga erishilgan aktyorlarga gonorarini kamaytirish haqida taklif bilan murojaat qilgani aytilmoqda.

Serialning aktyorlar tarkibiga Hazal Subaşı, Birkan Sokullu, Turgut Tunçalp, İpek Tuzcuoğlu va Doğu Balkay kiradi. Serialning chiqish sanasi hozircha ma'lum qilinmagan.

Manba: Sözcü