Kino yangiliklari

«Narniya: Sehrgarning jiyani»ning 2027-yilgi chiqish sanalari tasdiqlandi

«Narniya: Sehrgarning jiyani»ning 2027-yilgi chiqish sanalari tasdiqlandi
«Narniya: Sehrgarning jiyani» — kadr (TMDb)

Greta Gerwig rejissyorligidagi «Narniya: Sehrgarning jiyani» (Narnia: The Magician's Nephew) 2027-yil 12-fevralda kinoteatrlarga chiqadi. Film 2027-yil 2-apreldan Netflix'da namoyish etiladi.

Collider xabariga ko'ra, IMAX'dagi dastlabki namoyishlar 2027-yil 10-fevralda boshlanadi. Netflix Texas kitob festivalidagi ishtiroki davomida film 2027-yilgi dasturidan o'rin olganini yana bir bor tasdiqladi.

Hikoya markazida David McKenna va Beatrice Campbell ijrosidagi Digory Kirke hamda Polly Plummer turadi. Sehrli uzuklar bilan bog'liq voqea ikki do'stni Londondan olis olamlarga olib ketadi. Digoryning amakisi Andrew o'tkazgan sehrli tajribalar oqibatiga duch kelgan bolalar Narniyaning yaratilishiga guvoh bo'ladi.

Filmga asos bo'lgan C.S. Lewis kitobi 1955-yilda, «Arslon, jodugar va kiyim javoni» (The Lion, the Witch and the Wardrobe) asaridan besh yil keyin chop etilgan. Biroq undagi voqealar Narniya tarixining boshlanishida kechadi. Gerwig ham o'z ekranlashtirishini aynan shu nuqtadan boshlamoqda.

Emma Mackey Oq jodugar rolini ijro etadi; aktyorlar tarkibiga Carey Mulligan, Daniel Craig, Meryl Streep va Ciarán Hinds ham kirgan. Film musiqasini Mark Ronson va Andrew Wyatt yaratmoqda. Ular avval ham Gerwig bilan «Barbie» filmida hamkorlik qilgan.

Manba: Collider

Do'stlaringizga ulashing: Telegram Facebook

So'nggi yangiliklar

Barcha yangiliklar →

Izohlar

Hozircha izoh yo'q — birinchi bo'lib fikringizni yozing!

Izoh Yozish