Kino yangiliklari

«Ochlik o'yinlari: O'rim tongi» ilk juma kunida 56 million dollar yig'di

«Ochlik o'yinlari: O'rim tongi» ilk juma kunida 56 million dollar yig'di
«Ochlik o'yinlari: O'rim tongi» — kadr (TMDb)

«Ochlik o'yinlari: O'rim tongi» (The Hunger Games: Sunrise on the Reaping) Shimoliy Amerikada juma kuni 56 million dollar ishladi. The Hollywood Reporter ilk dam olish kunlari tushumi 120 million dollardan oshishini kutmoqda.

Lionsgate filmni 4 018 ta kinoteatrda namoyishga chiqardi; dastlabki natijaga payshanba kungi oldindan namoyishlar tushumi ham kiritilgan. Bu franshiza tarixidagi uchinchi eng yuqori debyut juma natijasi bo'lib, yangi kartina tomoshabinlardan CinemaScore bo'yicha A- bahosini oldi.

Yangi filmning starti 2023-yilda chiqqan «Hayot mamot o'yinlari 5 Kuychi qushlar va ilonlar haqida ballada» (The Hunger Games: The Ballad of Songbirds & Snakes) natijasidan ikki baravardan ko'proq bo'lishi kutilmoqda. O'sha prikvel Shimoliy Amerikadagi ilk dam olish kunlarida 44 million dollar yig'gan edi. Yangi qism bilan franshizaning jahon kassasidagi jami tushumi qariyb 3,437 milliard dollarga yetmoqda.

Franshizaning oltinchi filmini Francis Lawrence suratga olgan, ishlab chiqarish byudjeti esa taxminan 150 million dollarni tashkil etgan. Ssenariy Suzanne Collinsning 2025-yilda nashr etilgan prikvel romaniga asoslangan.

Voqealar Haymitch Abernathyning o'tmishiga bag'ishlangan: bosh qahramonni Joseph Zada ijro etadi. Bu obrazni dastlabki to'rt filmda Woody Harrelson gavdalantirgan. Yangi kartinada Ralph Fiennes, Jesse Plemons, Elle Fanning va Maya Hawke ham rol o'ynagan.

Rotten Tomatoes'da filmning tanqidchilar reytingi 67 foizni tashkil etmoqda. Tomoshabinlar bahosi esa 95 foizga yetgan — bu franshiza uchun eng yuqori ko'rsatkich.

Manba: The Hollywood Reporter, Variety

Do'stlaringizga ulashing: Telegram Facebook

So'nggi yangiliklar

Barcha yangiliklar →

Izohlar

Hozircha izoh yo'q — birinchi bo'lib fikringizni yozing!

Izoh Yozish