«Crash 2» doramasi uchun yangi poster va tizer e'lon qilindi

ENA telekanali ttez orada ekranlarga chiqadigan «Crash 2» doramasining yangi posteri va tizerini taqdim etdi. Premyera 16-noyabr kuni Koreya vaqti bilan soat 22:00 da bo'lib o'tadi.

«Crash 2» — 2024-yilda efirga chiqqan «Crash» doramasining ikkinchi qismi. Birinchi mavsum yo'l-transport jinoyatlarini tergov qilishga bag'ishlangan birinchi koreys doramasi sifatida tarixga kirgan edi. Serialda yo'l-transport jinoyatlari tergovi guruhi (T.C.I.) yo'llarda sodir etilgan jinoyatlar ortidan tinimsiz iz quvadi.

Tizerda nimalar bor

Asosiy tizerda guruhning jinoyatchilarni quvib borishi bilan bog'liq dramatik sahnalar ko'rsatilgan. Cha Yeon Ho (Lee Min Ki) "O'sha kuni yo'lovchi o'rindig'iga o'tirgan zahoti uning o'limi muqarrar edi" deydi — bu rejalashtirilgan qotillikka ishora. Min So Hee (Kwak Sun Young) esa "T.C.I.ga alohida ofis beriladi!" deb qichqiradi: guruh hududiy tergov bo'limiga ko'tarilgandan keyin ham kundalik qiyinchiliklar tugamaganini bu sahna ko'rsatib turibdi.

Yangi qahramonlar

Yangi qo'shilgan qahramonlar ham e'tiborni tortmoqda. Ishtiyoqqa to'la yosh politsiyachi Ji Dae Se rolini Jisung ijro etadi; tizerda u kutilmagan harakatlari bilan ko'rinadi. T.C.I. a'zolari ham unga qoyil qolib, "U o'ylaganimdan ham jinniroq ekan" deyishadi.

Asosiy posterda T.C.I.ning to'liq tarkibi tasvirlangan: Cha Yeon Ho va Min So Hee bilan birga Jung Chae Man (Heo Sung Tae), Woo Dong Ki (Lee Ho Chul), Eo Hyun Kyung (Moon Hee) hamda Ji Dae Se.

Manba: Soompi