Kino yangiliklari

Deniz Çakır va Ebru Özkan «Mükemmel Anneler»da birga rol o'ynaydi

15-noyabr, 2026 19:15Mükemmel Anneler, Deniz Çakır, Ebru Özkan, Turk seriallari

Deniz Çakır va Ebru Özkan TV8 uchun tayyorlanayotgan «Mükemmel Anneler» serialida rol ijro etadi. Pem Yapım loyihasining hikoyasi ayollar dunyosiga bag'ishlanadi.

Sözcü nashri Birsen Altuntaş xabariga tayanib yozishicha, Deniz Çakır Neslihan obrazini gavdalantiradi. Ebru Özkan esa Zümra rolida tomoshabinlar qarshisiga chiqadi.

Serial ssenariysini Sevgi Yılmaz yozgan, rejissyorlik esa Koray Kerimoğlu zimmasiga yuklatilgan. Suratga olish ishlarini noyabr oyi oxirida boshlash rejalashtirilmoqda.

Loyiha prodyuser Efe İrvül va rejissyor Merve Girgin asos solgan Pem Yapım kompaniyasining ilk seriali bo'ladi. Uning efirga uzatilishi yanvar oyiga mo'ljallangan, biroq aniq premyera kuni hozircha keltirilmagan.

Manba: Sözcü