Kino yangiliklari

Alan Ritchson va Arnold Schwarzenegger filmi 2-dekabrda chiqadi

Alan Ritchson va Arnold Schwarzenegger filmi 2-dekabrda chiqadi
«Qopli odam» — kadr (TMDb)

Alan Ritchson va Arnold Schwarzenegger bosh rollarni ijro etgan «Qopli odam» filmi 2026-yil 2-dekabrda Prime Video'da namoyish etiladi.

Rejissyor Adam Shankman suratga olgan kartinada Schwarzenegger Santa Klaus obrazini gavdalantiradi. Ritchson esa Rojdestvoni qutqarish uchun yollangan sobiq jinoyatchi Vance rolini o'ynaydi.

Syujetga ko'ra, Santa Klausning mashhur qizil sovg'alar qopi adovatli elf tomonidan o'g'irlanadi. Bayramning eng muhim kechasi yaqinlashar ekan, Santa «Yaramaslar ro'yxati»dagi o'g'rini chaqirib, elflar va bug'ular ko'magida g'ayrioddiy talonchilikni amalga oshiradigan jamoa tuzadi.

Film aktyorlar tarkibida Awkwafina, Jane Krakowski, Ken Jeong, Liza Koshy, Kyle Mooney va Michael Cyril Creighton ham bor. Ssenariyni Allan Rice yozgan.

Alan Ritchson ayni paytda «Jek Richer» serialining beshinchi mavsumini yakunlash arafasida. Yangi mavsumda u bilan birga Amanda Ip, Jay Baruchel, Ciara Bravo va Kevin Durand ham ishtirok etadi.

Manba: Collider

Do'stlaringizga ulashing: Telegram Facebook

So'nggi yangiliklar

Barcha yangiliklar →

Izohlar

Hozircha izoh yo'q — birinchi bo'lib fikringizni yozing!

Izoh Yozish