Kino yangiliklari

Penélope Cruz ishtirokidagi «Patricia» dramasini suratga olish boshlandi

Penélope Cruz ishtirokidagi «Patricia» dramasini suratga olish boshlandi
Penélope Cruz (TMDb)

Netflix Penélope Cruz bosh rolni ijro etadigan «Patricia» dramasini suratga olish boshlanganini e'lon qildi. Oilaviy zo'ravonlik haqidagi filmga Juan Diego Botto rejissyorlik qiladi.

Deadline xabariga ko'ra, voqea markazida 12 yil davom etgan zo'ravon munosabatlardan qutulgan ayol turadi. Biroq Patricia oldida yana bir og'ir sinov — sud jarayonlari paydo bo'ladi: u farzandlarining taqdiridan xavotirda yashaydi.

Cruz filmda prodyuser sifatida ham qatnashmoqda. Loyiha uning 2022-yilda tashkil etilgan Moonlyon kompaniyasi uchun ilk badiiy to'liq metrajli film bo'ladi. Aktrisaning aytishicha, uni tayyorlash ustida ikki yildan ortiq ishlangan.

Botto ssenariyni yozish va tadqiqot olib borishga ikki yil sarflaganini bildirdi. Bu jarayonda o'z boshidan kechirganlarini ijodkorlarga ishonib aytgan ayollar bilan ko'plab suhbatlar o'tkazilgan. Cruz esa qahramoni har kuni shunday zo'ravonlikka duch keladigan ko'plab ayollarni ifodalashini ta'kidladi.

Bu Bottoning rejissyor sifatidagi ikkinchi to'liq metrajli filmi. U avval Cruz bilan 2022-yilgi «Chekkada» (On The Fringe) ijtimoiy trillerida ishlagan; rejissyorning ushbu debyuti Venetsiya kinofestivalining «Ufqlar» dasturida namoyish etilgan.

Yangi drama aktyorlar tarkibiga Goya Toledo, Ramón Barea va Dylan Radley ham qo'shilgan. «Patricia» Cruz va Bottoning Ispaniyada Netflix uchun yaratayotgan ilk filmi bo'ladi.

Manba: Deadline

Do'stlaringizga ulashing: Telegram Facebook

So'nggi yangiliklar

Barcha yangiliklar →

Izohlar

Hozircha izoh yo'q — birinchi bo'lib fikringizni yozing!

Izoh Yozish