Kino yangiliklari

«Yangi askar: arvohli harbiy shifoxona» filmining ilk tizeri chiqdi

«Yangi askar: arvohli harbiy shifoxona» (New Recruit: Haunted Military Hospital) filmining ilk tizeri e'lon qilindi. Unda dam olish umidida shifoxonaga tushgan askarlar dahshatli hodisalarga duch keladi.

Soompi xabariga ko'ra, tizer sirli bir askarning bo'linma a'zolaridan bu joydagi g'alatiliklarni sezgan-sezmaganini so'rashi bilan boshlanadi. Voqealar markazida shifoxonani avvaliga oromgohdek tasavvur qilgan, keyin esa u haqdagi qo'rqinchli mish-mishlar ortidan sirlarni ochishga kirishgan yangi askarlar turadi.

Kim Min Ho ijrosidagi kapral Park Min Seok tunda o'likxona tashqarisida g'alati harakatlarni takrorlayotgan bemor Yoo Jae Hoonni ko'rib, qo'rquvga tushadi. Bu sirli bemorni Ryu Kyung Soo gavdalantirgan. Lee Jung Hyun o'ynagan Kang Chan Seok esa hech qanday aniq sababsiz ovqatni ochko'zlik bilan yeya boshlaydi, Jang Sung Bum ijrosidagi tartib-qoidaga qat'iy amal qiladigan Kim Dong Woo bo'shliqqa tikilib, bir xil so'zlarni takrorlayveradi.

Shifoxonada qasoskor arvohlar paydo bo'layotgani haqidagi gaplar xavotirni yanada kuchaytiradi. Har kecha yuz berayotgan tushunarsiz hodisalardan qutulish uchun askarlar Kim Hyun Kyu ijrosidagi Seong Yun Mo boshchiligida sirli marosim ham o'tkazadi. Ularning maqsadi kazarmaga eson-omon qaytishdir.

Film harbiy hayotni haqqoniy tasvirlashi bilan bir necha mavsum davomida tomoshabinlar e'tiborini qozongan «Yangi askar» (New Recruit) seriali asosida ishlangan. Aktyorlar tarkibida Nam Tae Woo, Kim Yo Han va Jeon Seung Hoon ham bor. Kartina 2026-yil 30-dekabrda kinoteatrlarga chiqadi.

Manba: Soompi

Do'stlaringizga ulashing: Telegram Facebook

So'nggi yangiliklar

Barcha yangiliklar →

Izohlar

Hozircha izoh yo'q — birinchi bo'lib fikringizni yozing!

Izoh Yozish