Saloniki kinofestivalida bosh mukofot Jacqueline Lentzou filmiga berildi

Jacqueline Lentzouning «A Day in the Life of Jo: Chapter Phaedra» filmi Saloniki kinofestivalining Arrivals xalqaro tanlovida bosh mukofot — Oltin Aleksandrni qo'lga kiritdi.

Yunon rejissorining ikkinchi to'liq metrajli filmi avval Venetsiya kinofestivalining Horizons dasturida namoyish etilib, u yerda eng yaxshi rejissyor mukofotiga sazovor bo'lgandi. Keyinchalik kartina Nyu-York, BFI London va Busan kinofestivallarida ham namoyish etildi.

Haqiqiy voqealardan ilhomlangan film 15 yoshli Jo hayotidagi odatiy kunning kutilmaganda o'zgarib ketishi haqida hikoya qiladi. Yangi kelgan sinfdoshi Phaedraning eski sevgi qo'shig'ini kuylashi Jo hayotida fojiaga va o'zgarishga olib boradigan jarayonni boshlab beradi.

«A Day in the Life of Jo: Chapter Phaedra» Salonikida uchta mukofot oldi, jumladan, Evia Andriopoulou uchun maxsus qayd. Pauline Julier va Nicolas Chapoulierning «Les Indes» filmi esa rejissura uchun Kumush Aleksandr bilan taqdirlandi.

Meet the Neighbors+ tanlovida bosh mukofot Blerta Bashollining «Dua» filmiga berildi. Film Kosovo urushi soyasida ulg'ayayotgan 13 yoshli qiz haqida; ushbu bo'limda rejissura mukofotini Abdallah Alkhatibning «Chronicles From the Siege» kartinasi qo'lga kiritdi.

Innovatsion filmlarga bag'ishlangan Film Forward bo'limining Oltin Aleksandri Hoda Taheri va Boris Hadžijaning «I Plant My Hand in the Garden» filmiga topshirildi. «Flesh and Fuel» kartinasi esa eng yaxshi ssenariy mukofotini oldi.

Manba: Variety